सकारात्मक विचार

आज गरज आहे चांगल्या विचारांची ।

घाबरून न जाता घरी बसून आलेल्या संधीची ।।1।।

साथ द्या झटत असलेल्या  डॉक्टर नि पोलीसांची ।

घराबाहेर न पडून मदत करू त्यांच्या  कुटुंबाची ।।2।।

देशासाठी  जवान  घरापासून दूर काढतात सीमेवर  रात।

आपण आपल्याच घरात राहून करूया यावर मात ।।3।।

घरातल्या घरात करायचे तरी काय ।

करायचं राहून गेलेलं खूप काही हाय ।।4।।

रोजची तीच सकाळ बदलून गेली काहीशी ।

योग, प्राणायाम यांची सांगड घाला थोडीशी ।।5।।

सतत नकारात्मक बातमी वाचून वाईट वाटत खूप ।

पण या सर्वांवर आपलं खंर योगदान घरात राहावं चूप ।।6।।

नोकरीमुळे मुलांना देता येत नव्हता वेळ ।

त्यांच्या सोबत लहान होऊन खेळू आपले हरवलेले खेळ ।।7।।

तुम्हीही शिका मुलांकडून काही नवीन ।

करा प्रयत्न होण्याचा कशात तरी प्रवीण ।।8।।

एक सकारात्मक विचार जीवन बदलून देईल ।

जगण्याची एक नवीन उमेद घेऊन येईल ।।9।।