चांगली सवय

कोरोनाचे संकट टळलं नाही अजून ।

सर्वांना आता राहावं लागेल अधिक जपून ।।1।।

काही म्हणा याने लावली सवय चांगली ।

मला काही होत नाही ही विचारसरणी पांगली ।।2।।

आकाश झाले निरभ्र ,स्वच्छ वाहू लागली नदी ।

प्राणी,पक्षी स्वच्छंद विहरले जे झाले नाही कधी ।।3।।

बाहेरचं खाणारे आवडीने भेळ आणि पाणीपुरी ।

लक्षात आलं का कमी पडतोय ना आजारी ।।4।।

मित्रांना आणले जवळ जे झाले  होते काहीसे दूर ।

एकत्र येण्याने घरा घरात आनंदाचे उमटले सूर ।।5।।

महत्वाचे नसतं काही हे कळून  चुकलंय ।

थोड्यातही आपलं आता चांगलंच भागतंय ।।6।।

वेळेचा सदुपयोग म्हणून सर्व जोपासतंय हरवलेलं छंद ।

राहूनच गेले होते जे मनात कुठे तरी बंद ।।7।।

माणसात असणारा  देव दाखवला याने सर्वांना ।

चांगल्या सवयी अश्याच राहो हीच आहे प्रार्थना ।।8।।