दिवाळी २०२०
दिवाळी सण आहे आनंद आणि उत्साहाचा ।
घरोघरी साजरा केला जातो दिवा लावून सौख्याचा ।।१।।
वर्षातील आहे हा सर्वांत मोठा सण ।
पण यावर्षी लागले याला कोरोनाचे ग्रहण ।।२।।
बाजारात दिवाळीची मजा असायची वेगळी ।
यासर्वांला जणू नजर लागली सगळी ।।३।।
ना खरेदीची मजा ना बाहेरची मिठाई ।
बाहेरून आले कि नुसतं हात धुवायची घाई ।।४।।
घरात आणलेले सामानही करावं लागते क्वारंटाइन ।
जगभर सर्वांनी या संक्रमणाचा खूप भरला आहे फाईन ।।५।।
अशी हि दिवाळी नेहमी लक्षात राही ।
यावर्षी तर आप्तेष्टांना भेटणेही शक्य झाले नाही ।। ६।।
अंधारात एक दिवाही अंधकार करतो दूर ।
जपण्यासाठी सर्वांना लक्षात ठेवा न व्हावा फटाक्यांचा धूर ।।७।।
समाजासाठी काही आखलेले नियम पाळा ।
उजळून निघावी सृष्टी लावून दिव्याच्या माळा ।।८।।
पूर्वी सारखेच सुरळीत व्हावे सगळे ।
या पेक्षा देवाकडे काय मागावे वेगळे ।।९।।
सर्वांचे जीवन प्रकाशाने मंगलमय होऊ दे हि इच्छा ।
नव्या उमेदासह यावी नवी आशा याच दिवाळीच्या शुभेच्छा ।।१०।।
Comments
Post a Comment