पंढरीची वारी

विठ्ठल विठ्ठल विठोबा रखुमाई ।

तू साऱ्या जगाचा झाला आई ।।1।।

निघाली पालखी संतांची आज दिनी ।
आनंद झाला सोहळा पाहुनी लोचनी ।।2।।
वारीत जातो वारकरी विठ्ठलाच्या भेटीला ।
असतो म्हणतात विठ्ठल प्रत्येकाच्या साथीला ।।3।।
तहान ,भूक विसरून वारकरी होतो दंग ।
सगळ्या वारकऱ्यांचा वारीत असतो एकच रंग ।।4।।

ना कुणी लहान ना कुणी मोठा असतो या वारीत ।

निघतो  प्रत्येजण सर्व मोहपाश बाजूला सारीत ।।5।।

विठ्ठलाच्या भेटीची सर्वांना एकच असते आस  ।

त्यामुळेच ऊन,पाऊस याचा तेव्हा कुठलाच होत नाही त्रास  ।।6।।
एकादशी ला घेऊन पंढरीच्या विठ्ठलाचे दर्शन ।
आम्हा सर्वांचा नमस्कार त्याच्या चरणी करा अर्पण ।।7।।