🙏शेगावीचा राणा 🙏

असावा गुरू प्रत्येकाला त्याच्या विना नाही आधार । ज्याच्या नुसतं चिंतनाने दुःख ,चिंता होतील पारं ।।1।।

मनात घेता त्याचे नाव मिळावी आपल्याला शक्ती ।

पण त्यासाठी असावी रामासाठी शबरी सारखी भक्ती ।।2।।

शेगावीचे गजानन महाराज  हे माझे गुरू ।

यांच्या स्मरणा शिवाय दिवस होतच नाही माझा सुरु ।।3।।

लहानपनापासून घरात महाराजांवर नितांत श्रद्धा ।

आजवर ते सोबत असल्याची अनुभूती घेतली अनेकदा ।।4।।

महाराजांची पोथी देऊन जाते जगण्याचे बळ ।

कृपा, प्रेम,आशीर्वाद आणि मार्गदर्शन लाभत त्यातून संकट काढतात पळ ।।5।।

सुंदर सभामंडपात पोथीतील विविध लीलांची पूर्ती ।आकर्षक आहे श्री गजानन महाराजांची संगमरवरीची मूर्ती ।।6।।

ते रूप पाहताच मनात आनंदाचा येतो पूर ।

असे वाटते येथून कधीच न व्हावे दूर ।।7।।

प्रकट दिनी व ऋषीपंचमीला असतो  उत्सव मोठा ।

मंदिरातील शिस्त ,स्वच्छता,पावित्र्याला नाही येथे तोटा ।। 8।।

शेगावी जाऊन वर्षातून एकदा तरी घ्यावे दर्शन ।

परम पावन समाधीला नमन करताच प्रसन्न होईल मन ।।9।।

💐🙏जय गजानन🙏💐