🎂वाढदिवस🎂

वर्षातुन येणारा  हा दिवस जातो  खूप आनंदात ।

शुभेच्छा नि आशीर्वादांची होेतेे बरसात ।।1।।

लहान पणी  ह्या दिवसाच कौतुक असते भारी ।

हळू हळू महत्व कमी होत जशी मोठी होते स्वारी ।।2।।

घरी मित्र मैत्रिणी बरोबर हट्टाने साजरा केलेला रुसून ।

परत न येणारा तो आठवणीतुन न जावा पुसून ।।3।।

त्या दिवसांची  असते मजा खाऊन जातो आपण भाव ।

मोठं होऊन दूर कुठे तरी हरवते ते सुंदर गाव ।।4।। 

आणलेली छोटीशी भेट वाटते तेव्हा हवी हवी ।

किंमतच नसतं महत्व आपूलकी नि प्रेमाची असते छवी ।। 5।।

मोठं झाल्यावर बदलून जात सारं काही ।

मनातलं लहान मुलं या दिवसाची वाट पाही ।।6।।

मनातलं ते लहानपण सतत जागृत  ठेवा ।

आनंदाने  जगा न करता कुणाचा हेवा ।।7।।

कुणी म्हणेल परवडते का आणायला  केक ।

तर स्वतः साठी करा मग  घरीच छोटासा बेक ।।8।।

देवानी निवडलेला हा दिवस आहे खास आपल्या साठी  ।

नेहमी आनंदाने साजरा करा हातात आली जरी काठी ।।9।।